[b]Amansız Bundestim, tanınmayan Kosovo, səhlənkar Nazim Əliyev...[/b]

26.01.2017 - 15:14

21 yaşadək futbolçular arasında Avropa çempionatının bu gün keçirilən püşkü Azərbaycan yığmasının rəqiblərinin adına aydınlıq gətirib. Apasport.az saytının məlumatına görə, millimizin 5-ci qrupdakı rəqibləri özəllikləri ilə diqqət çəkir.

Belə ki, Almaniya, İsrail, Norveç, İrlandiya və Kosovodan ibarət “beşlik”dən 4-ü ilə əvvəllər də qarşılaşmışıq. Yalnız Kosovo ilə rəsmi turnirlərdə ilk dəfə üz-üzə gələcəyik.

Əslində, bu ölkə Azərbaycan tərəfindən tanınmasa da, hələ 2016-cı ilin mayında AFFA rəsmən bəyan etmişdi ki, FİFA və UEFA-nın üzvü olan ölkə ilə rəqib olsaq, matçlar baş tutacaq.

Digər dörd ölkədən üçü ilə 4, biri ilə 2 dəfə qarşılaşmışıq. Onlar arasında olan Almaniya yığması ən amansız rəqibimizdi. AÇ-2006 və AÇ-2017-də qarşılaşdığımız Bundestim komandalarımıza xal verməyib. Bu matçlarda sevincimiz cəmi 1 qol olub.

İsrail və Norveçlə isə 4 matçda 1 qələbə və 3 məğlubiyyət yaşamışıq. Hər iki qələbə də əlamətdar olub. Skandinaviyalılara səfərdə 3:1 hesablı qələbə də, israillilərə Bakıda vurulan 3 cavabsız qol da bir sıra ilklərlə əlamətdar idi. İlk dəfə səfərdə 3 qol vurub və 2 top fərqilə qalib gəlmişik. Yeganə böyükhesablı qələbəmiz isə israillilər üzərində olub.

İrlandiya isə məşqçilər korpusunun səhlənkarlığı ilə yadda qalıb. Həmin vaxt seçmə mərhələyə düşmək üçün pley-pffda oynayan komandamız cəzalı futbolçunun meydana çıxması səbəbindən texniki məğlubiyyət alıb. Bakıdakı ilk oyunun nəticəsi ləğv edildikdən sonra Nazim Əliyevin yetirmələri üçün səfər matçında formallıqdan başqa heç nə qalmamışdı.

Almaniya – 4 oyun, 0 xal

08.10.2004. Azərbaycan – Almaniya - 0:2

02.09.2005. Almaniya – Azərbaycan - 2:0

08.09.2015. Azərbaycan – Almaniya – 0:3

13.11.2015. Almaniya – Azərbaycan – 3:1

İsrail – 4 oyun, 3 xal

15.11.1994. Azərbaycan – İsrail - 1:2

10.10.1995. İsrail – Azərbaycan - 4:0

08.09.2013. İsrail – Azərbaycan - 7:2

03.09.2014. Azərbaycan – İsrail - 3:0

İrlandiya – 2 oyun, 0 xal

11.05.2006. Azərbaycan – İrlandiya - -:+