UEFA Çempionlar Liqasının qrup mərhələsinin III turunda “Lion”la qarşılaşan “Yuventus” çətin oyundan 3 xalla ayrılıb. Apasport.az saytının məlumatına görə, “qoca sinyora” Xuan Kuadradonun 76-cı dəqiqədə vurduğu 3 xala sevinib.
Turin təmsilçisinin qələbəsində qolla yanaşı komandanın əfsanəvi qapıçısı Canluici Buffonun da əvəzsiz xidməti olub. Görüş ərzində bir neçə epizodda komandasını real qoldan xilas edən “veteran”, ilk hissədə Aleksandr Lakazettenin penalti zərbəsini də zərərsizləşdirib (35-ci dəqiqə).
Maraqlıdı ki, bunu Buffon ən son 2003-cü ildə bacarmışdı. Belə ki, canlı əfsanə Çempionlar Liqasında sonuncu dəfə 2003-cü ildə, “Real”la qarşılaşmada Luiş Fiqunun zərbəsinin qarşısını almışdı.
Qeyd edək ki, 38 yaşlı qolkiper qitənin ən nüfuzlu klub turnirində ən çox penalti qaytaran qapıçılar arasında 2-ci pillədə qərarlaşıb. 4 dəfə penaltini zərərsizləşdirən Buffon, bu cəhətdən yalnız Hans Yörgen-Buttdan geri qalır. Keçmiş “Bayer”li qapıçı 5 dəfə komandasını “99%-lik qol”dan xilas edib.
Oxşar xəbərlər
Ana səhifə
Bütün xəbərlər