Braziliyada keçiriləcək futbol üzrə dünya çempionatı zamanı dopinq-test zamanı yeni texnologiyalardan istifadə olunacaq. Apasport.az saytının məlumatına görə, bu barədə FİFA-nın baş həkimi İrji Dvorjak bildirib.

Yeni texnologiya futbolçuların bioloji pasportuna əsaslanır. Dvorjakın sözlərinə görə, dünya çempionatı zamanı futbolçulardan götürülən testlər əvvəlki turnirlərdəki testlərin nəticələri ilə müqayisə olunacaq və bununla da bioloji pasportdakı dəyişikliklər üzə çıxarılacaq.

Xatırladaq ki, dünya çempionatları zamanı sonuncu böyük qalmaqal 1994-cü ildə yaşanıb. O zaman Argentina yığmasının əfsanəvi hücumçusu Dieqo Maradonanın qadağan olunmuş dərmanlardan istifadə etdiyi üzə çıxıb.

• Rusiya yığmasının oyunu təxirə salındı
• Ronaldo Kovaçiçin transferində israrlıdır
• "Liverpul" Avropa çempionunu istəyir
• “Ulduz Cup”a yekun vuruldu
• Almaniyalı məşqçi yol qəzasında vəfat edib