Braziliya yığmasının sabiq futbolçusu Ronaldinyo vaxtilə “Mançester Yunayted”ə keçməkdən imtina edib. Apasport.az saytı xarici mətbuata istinadən xəbər verir ki, bu barədə “sambaçı”nın özü məlumat verib.

Ronaldinyo bildirib ki, 2002-ci ildə Braziliya yığmasının heyətində dünya çempionu olduqdan sonra çoxsaylı təkliflər alıb. Bu zaman o, “Barselona”nı “Mançester Yunayted”dən üstün tutub: “Heç vaxt İngiltərədə oynamaqla bağlı xüsusi istəyim olmayıb. Bəli, mən bu ölkəyə yollana bilərdim. Amma Sandro Rosellə dost idim və o, məni “Barselona”ya keçməyə razı saldı. Həmin vaxt “Mançester Yunayted”dən də təklif almışdım. Qardaşım PSJ-ni hansı kluba dəyişəcəyimlə bağlı variantları nəzərdən keçirirdi. Dünya çempionu olmağım bütün qapıları üzümə açmışdı. O ərəfədə Sandro “Barselona”nın rəhbəri oldu və beləcə “Barsa”ya keçmək şansım yarandı. İngiltərəyə yollanmadığım üçün peşman deyiləm. Amma onu da deyim ki, Premyer Liqa özünəməxsus keyfiyyətləri ilə fantastikdi. İngiltərə çempionatının oyunları həmişə intensiv və maraqlı keçir, baxanda darıxmırsan”.

Qeyd edək ki, Ronaldinyo 2003-2008-ci illərdə formasını geyindiyi “Barselona”da 207 oyunda 94 qola imza atıb.

• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu
• “Fənərbaxça” Talişkadan imtina etdi - səbəb
• FİFA-dan La Liqa klublarına qadağa