Üçüncü duel

28.10.2014 - 09:34

17 yaşadək futbolçulardan ibarət Azərbaycan milisi Avropa çempionatının seçmə mərhələsinin son turunda Bosniya və Herseqovina ilə qarşılaşacaq. Apasport.az saytının məlumatına görə, bu gün Belçikada keçiriləcək görüş komandalar arasında 3-cü duel olacaq.

Balkanlılarla əvvəlki iki oyun 2007-ci ildə baş tutub. Maraqlıdır ki, hər iki matçın taleyini 1 qol həll edib. Martın 28-də 2006/07 mövsümünün elit-raundunda yığmamız 1:0 hesabı ilə qalib gəlib.

Həmin il oktyabrın 6-da isə rəqiblər 2007/08 mövsümünün ilkin seçmə mərhələsində mübarizə aparıblar. Bu dəfə balkanlılar 1 qolla seviniblər.

Qeyd edək ki, Hər iki oyunda yığmamızın baş məşqçisi Yaşar Vahabzadə olub.