UEFA-nın klublara maliyyə nəzarəti instansiyasının istintaq palatası son araşdırmalarının nəticələrini açıqlayıb. Apasport.az saytının məlumatına görə, maliyyə “feyr-pley”i qaydalarını pozduğu üçün araşdırmalara cəlb olunan 4 komanda barədə müsbət qərar verib.
Belə ki, “Dinamo” (Xorvatiya), “Astana” (Qazaxıstan), “Trabzonspor”, “Fənərbaxça” (hər ikisi Türkiyə) klubları ilə sülh anlaşması əldə edilib.
Bundan başqa, “Makkabi” (Təl-Əviv, İsrail), “Rux” (Polşa) və “Rostov” (Rusiya) barədə ötən ilki qərarın icra olunduğu elan edilib. Bu üzdən bu klublara qarşı cəzalar aradan qaldırılıb və avrokuboklarda çıxışına icazə verilib.