Cənubi Amerika zonasında DÇ-2018-in seçmə mərhələsinin növbəti oyunları keçirilib. Apasport.az saytının məlumatına görə, mundiala vəsiqəni vaxtından əvvəl təmin edən Braziliya ən yaxın izləyicisi Kolumbiya ilə səfərdə bərabərə qalıb.

Bundan məharətlə yararlanan Uruqvay səfərdə Paraqvaya qalib gələrək 2-ci pilləyə yüksəlib. Peru Ekvador üzərindəki qələbə sayəsində ilk “5-liy”ə yüksəlibsə, Boliviya səfərindən əliboş dönən Çili ordan kənarda qalıb.

Autsayder Venesuelanın müqavimətini qıra bilməyən Lionel Messili Argentina isə 5-ci pilləyə yuvarlanıb. Sona 2 tur qalmış “tanqoçular”ın final mərhələsinə yollanmaq şansı bir qədər də azalıb.

DÇ-2018-in seçmə mərhələsi

Cənubi Amerika zonası, XVI tur

Boliviya – Çili – 1:0

Qol: Arse, 58 (pen.)

Kolumbiya – Braziliya – 1:1

Qollar: Falkao, 56 – Villian, 45+2

Ekvador – Peru – 1:2

Qollar: Valensiya, 79 (pen.) – Flores, 73; Hurtado, 76

Argentina – Venesuela – 1:1

Qollar: Feltşer, 54 (avtoqol) – Murilyo, 51

Paraqvay – Uruqvay – 1:2

Qollar: Romero, 88 – Valverde, 76; Qomes, 80 (avtoqol)