Polşa millisi DÇ-2018-ə hazırlıq çərçivəsində növbəti oyununu keçirib. Apasport.az saytının məlumatına görə, onların rəqibi mundialdan kənar qalan Cənubi Amerika çempionu Çili olub.

Gərgin mübarizədə keçən məhsuldar heç-heçəylə nəticələnib – 2:2. Düzdü, polşalılar Robert Levandovskinin 30-cu və Pyotr Zelinskinin 34-cü dəqiqədəki qolları ilə böyük üstünlük qazanıb.

İkinci qola 38-ci dəqiqədə Dieqo Valdeslə erkən cavab verən çilililər fasilədən sonra bərabərlik topunu da vurub. 56-cı dəqiqədə Miko Albornoz fərqlənib.