PSJ aparıcı oyunçularından olan Anxel di Mariya ilə yolları ayıra bilər. Apasport.az saytı Fransa mətbuatına istinadən xəbər verir ki, argentinalı yarımmüdafiəçinin adı “Barselona” ilə birgə çəkilir.

Belə ki, Kataloniya klubunun futbolçusu Lionel Messi rəhbərliklə söhbətində di Mariyanı “Barsa”da görmək istədiyini bildirib. O, həmyerlisinin “Barselona”ya güc qatacağını qeyd edib.

PSJ-nin də bu keçidə qarşı olmadığı bildirilir. Parislilər hücum xəttinə yeni oyunçu qata bilsələr, di Mariyanın gedişinə razılaşacaqlar.

Qeyd edək ki, di Mariya əvvəllər “Benfika”, Madrid “Real”ı və “Mançester Yunayted” klublarında da çıxış edib.