Çempionlar Liqasının qrup mərhələsinin II turu çərçivəsində “Qarabağ”la qarşılaşacaq “Roma”nın əksər zədəli futbolçularının durumuna aydınlıq gəlib. Apasport.az saytı İtaliya mətbuatına istinadən xəbər verir ki, Patrik Şik və Ektor Morenodan savayı, “canavarlar”ın daha bir neçə oyunçusu Bakıdakı görüşdə iştirak etməyəcək.

Zədəsini sağaldan Dieqo Perotti kollektivlə məşqlərə qatılıb. Bununla belə, onun “Qarabağ”a qarşı oynayıb-oynamayacağı hələ müəyyənləşməyib. Baş məşqçi Eysebio di Françesko bununla bağlı qərarı Bakı səfərindən öncə verəcək.

Sol dizindən aldıqları zədəni sağaltmaqla məşğul olan Emerson Palmieri və Luka Pelleqrini, həmçinin 6-8 həftəlik sıradan çıxan Adbullahi Nura isə “Qarabağ”la matçda iştirak etməyəcək. Bundan əlavə, Rik Karsdorpun əzəli yorğunluğu var.

“Qarabağ”la oyunla əlaqədar, di Françesko çempionat matçından sonra komandaya istirahət verməyib.

Qeyd edək ki, sentyabrın 27-də Bakı Olimpiya Stadionunda keçiriləcək “Qarabağ” – “Roma” oyunu saat 20:00-da start götürəcək.