Hücumçu Keleçi İhenaço gələn mövsüm "Lester"də çıxış etməyəcək.

Apasport.az xəbər verir ki, nigeriyalı futbolçu bu yay azad agent kimi komandadan ayrılacaq. 27 yaşlı forvard hələlik heç bir klubla danışıqlar aparmır. 

O, 2017-ci ildən bəri "tülkülər"də oynayır.

Qeyd edək ki, "Lester" gələn mövsümdən etibarən yenidən İngiltərə Premyer Liqasında çıxış edəcək. Klub Çempionşipdə 46 turdan sonra 97 xal toplayaraq vahid liderdir.