Almaniyada 17 yaşadək qızlardan ibarət yığmalar arasında Avropa çempionatının elit-raund mərhələsi davam edir. Apasport.az saytının məlumatına görə, millimizin yer aldığı qrupda bu gün daha bir oyun keçirilib.

Belə ki, İslandiya ilə İrlandiya komandaları üz-üzə gəlib. Birinci hissədə tərəflər hərəyə bir dəfə fərqlənsələr də, ikinci yarıda daha bir qol vuran İslandiya 2:1 hesablı qələbə əldə edib.

Qeyd edək ki, VII qrupda keçirilən ilk matçda Azərbaycan millisi Almaniyaya 0:5 hesabı ilə uduzub.