Türkiyədə təlim-məşq toplanışında olan “Sumqayıt” növbəti yoxlama görüşü keçirib. Apasport.az saytının məlumatına görə, “gənclik şəhəri” təmsilçisi “Alanyaspor”la qarşılaşıb.

Superliqa klubu ilə oyun heç də uğurlu alınmayıb. Belə ki, türklər təmsilçimizin qapısından 7 cavabsız top keçirərək, böyükhesablı qələbə qazanıblar – 7:0.

Qeyd edək ki, “Sumqayıt” Türkiyə toplanışı çərçivəsində keçirdiyi ilk yoxlama görüşündə Qətər klubu “Əl-Şəhaniyə” ilə bərabərə qalıb (1:1).