Türkiyədə keçirilən “Mercedes Benz” Egey kubokunda II tura start verilib. Apasport.az saytının məlumatına görə, A qrupunda çıxış edən 16 yaşadək futbolçulardan ibarət Azərbaycan yığması 2-ci oyununda Kosovo ilə görüşüb.

Matç İzmirin Torbalı qəsəbəsindəki Altınordu Metin Oktay bazasında baş tutan qarşılaşma yığmamız üçün uğursuz alınıb. Belə ki, Kosovo futbolçuları 2 cavabsız qolla daha güclü olublar.

İlk matçında Albaniyaya 1:0 hesabı ilə qalib gələn Vüqar Məmmədin yetirmələri noyabrın 23-də baş tutacaq son turda Türkiyə ilə qarşılaşacaq. İlk matçında kosovoluları 4:0 hesabı ilə yenən “ay-ulduzlular” bu gün Albaniyanı sınağa çəkəcək.