Türkiyə Superliqasında XXII turun oyunları başa çatıb. Apasport.az saytının məlumatına görə, tur liderin oyunu ilə başlayıb.

Belə ki, “Qalatasaray” doğma publika önündə “Ərciyəsspor”u sınağa çəkib. Meydan sahibləri növbəti 3 xalı vurduqları 3 qolla qazanıblar.

Bir gün sonra “Fənərbaxça” səfərdə meydana çıxıb. İsmayıl Kartalın yetirmələri “Konyaspor”un qonağı olub. Hesabda geri olan “sarı bülbüllər”i məğlubiyyətdən 67-ci dəqiqədə müdafiəçi Egemen Korkmaz xilas edib – 1:1.

“Beşiktaş” “Balıkəsirspor”u qəbul edib. Qarşılaşmada “qara qartallar” da büdrəyib. Hərəyə 2 top vuran komandalar meydanda “sülh bağlayıb”. Oyun 2:2 hesabı ilə başa çatıb.

Tur Avropa Liqası ilə vidalaşan “Trabzonspor”la “Karabükspor”un matçı ilə yekunlaşıb. 5 qolun vurulduğu görüşdə Qara dəniz klubu 3:2 hesabı ilə qalib gəlib.

Türkiyə Superliqası

XXII tur

27 fevral

“Qalatasaray” – “Ərciyəsspor” - 3:1

Qollar: Umut Bulut, 4, Çedcou, 54, Sneyder, 91 - Vleminkx, 31 

28 fevral

"Gənclərbirliyi” – “Sivasspor” - 0:0

“Rizəspor” – “Əskişəhərspor” - 3:0

Qollar: Kadah, 2, Albayrak, 14, Lafferti, 52

“Konyaspor” – “Fənərbaxça” - 1:1

Qollar: Mahlangu, 8 – Korkmaz, 67

1 mart

“Akhisar” – “Başakşəhər” - 0:2

Qollar: Şəntürk, 54-pen, Yücə, 78-avtoqol

“Qaziantepspor” – “Kasımpaşa” - 0:2

Qollar: Skaryone, 16, Kastro, 86

“Bursaspor” – “Mersin İdmanyurdu” - 2:1

Qollar: Fernandao, 60-pen, Civelli, 77 - Mitroviç, 20-pen

“Beşiktaş” – “Balıkəsirspor” - 2:2

Qollar: Demba Ba, 35-pen, Opare, 58 – Zeç, 50, Varqas, 83

2 mart

“Trabzonspor” – “Karabükspor” - 3:2

Qollar: Ekici, 39; 89, Kardoso, 84 - Traore, 43, Ayık, 45+2