21 yaşadək qızlardan ibarət Azərbaycan yığması beynəlxalq turnirdə iştirak edəcək. Apasport.az saytının məlumatına görə, millimiz Kiprin Pafos şəhərində UEFA-nın təşkil etdiyi turnirdə qüvvəsini sınayacaq.

Patrisiya Qonzalesin yetirmələri Malta, Kipr və Bəhreyn milliləri ilə görüşəcək. Rəqiblərimizin hər üçün yarışa əsas yığma ilə qatılacaq.

Millimiz martın 12-də Malta, ertəsi gün Bəhreyn, 15-də isə Kiprlə qarşılaşacaq.