Bakı-2015 I Avropa Oyunlarında çimərlik futbolu yarışları həlledici mərhələyə qədəm qoyub. Apasport.az saytının məlumatına görə, bu gün finalçıların adlarına aydınlıq gələcək.
Əvvəlcə meydançaya 5-8-ci yerlər uğrunda mübarizə aparan komandalar çıxıb. Qrupda hər 3 oyununda məğlub olan Azərbaycan yığması İspaniya ilə qarşılaşıb. Uzun müddət hesabın açılmadığı görüşü millimiz məğlubiyyətlə başa vurub. Digər cütlükdə isə Ukrayna Macarıstana qalib gəlib.
Bununla da Azərbaycan yığması sabah 7-ci yer uğrunda Macarıstanla üz-üzə gələcək. Ukrayna ilə İspaniya isə öz aralarında 5-ci yerin sahibini müəyyənləşdirəcəklər.
Daha sonra yarımfinalçılar münasibətlərinə aydınlıq gətiriblər. İtaliya İsveçrəyə, Rusiya isə Portuqaliyaya qalib gəlib. Bu isə o deməkdi ki, azarkeşlər sabah Rusiya - İtaliya finalına şahidlik edəcəklər. Portuqaliya və İsveçrə isə bürünc medal uğrunda qarşılaşmada üz-üzə gələcəklər.
Çimərlik futbolu
27 iyun
5-8-ci yerlər uğrunda
Ukrayna – Macarıstan - 4:2
İspaniya – Azərbaycan - 3:1
Yarımfinal
İtaliya – İsveçrə - 7:4
Portuqaliya - Rusiya - 1:2