İsveçrənin Nyon şəhərində UEFA-nın antidopinq üzrə təhsil seminarı keçirilib.

Apasport.az xəbər verir ki, seminarda ölkəmizi Azərbaycan Milli Antidopinq Agentliyinin (AMADA) Təhsil şöbəsinin əməkdaşı Qüdrət Səfərov və AFFA-nın həkimi Olcay Bayramov təmsil ediblər.

Ümumdünya Antidopinq Agentliyi (WADA), Avropa Şurası, Milli Antidopinq Təşkilatları İnstitutu (iNADO), Beynəlxalq Test Agentliyi, futbol federasiyaları assosiasiyaları və milli antidopinq təşkilatlarından 100-dən çox nümayəndəni bir araya gətirən seminar təhsil vasitəsilə idmanda dürüstlüyün möhkəmləndirilməsinə qlobal öhdəlik nümayiş etdirib.

Seminar zamanı UEFA-nın Antidopinq departamentinin rəhbəri Mark Vuyyamoz antidopinq səylərinin əsası kimi təhsilin həlledici rolunu vurğulayıb. Tədbirdə UEFA-nın Təhsil modelləri ətraflı nəzərdən keçirilib və antidopinq təcrübəsinin daha da təkmilləşdirilməsi üçün bu təşəbbüslərin inkişaf etdirilməsinin vacibliyi diqqətə çatdırılıb.

• Jezuşun “Əl-Hilal”ı Kartalın komandasını darmadağın etdi
• Türkiyə Kuboku: “Beşiktaş” və “Başakşəhər"dən qalibiyyət
• Deyvis “Bavariya” ilə yola davam edəcək
• “Çelsi”nin müdafiəçisi “Kristal Pelas”da - rəsmi
• Niko Qonzales “Mançester Siti”də - Rəsmi