“Qəbələ”nin Avropa Liqasının III təsnifat mərhələsinin ilk oyununda əldə etdiyi 1:1 hesablı heç-heçə uğurlu nəticədi. Apasport.az saytının məlumatına görə, “Apollon”la Kiprdəki bərabərlikdən sonra təmsilçimiz pley-offa doğru böyük addım atıb.

Azərbaycan klubları avrokubokların ilk oyununda 1:1 hesablı heç-heçə əldə etdikdə, əksər hallarda mərhələni keçir. İndiyədək 5 belə hadisə yaşanıb ki, onların 4-də Azərbaycan klubu mərhələni keçib.

Yeganə büdrəyən komandamız “Qarabağ” olub ki, ağdamlılar da 9 il əvvəl Moldova “Zimbru”su ilə ev qarşılaşmasının əlavə vaxtında mübarizəni dayandırıb.

“Neftçi” və “Xəzər Lənkəran” cavab oyununda qələbə qazanmaqla mərhələ keçib. “İnter” və ümumilikdə 2 belə halla üzləşən “Qarabağ” qolsuz bərabərliyə sevinib. “Bankirlər” buna elə bu ay Albaniya “Laçi”si ilə görüşdə nail olub.

UK – UEFA kuboku, İK – İntertoto kuboku, AL – Avropa Liqası