Bu gün Avro-2016-nın seçmə mərhələsində növbəti oyunlara start veriləcək. Apasport.az saytının məlumatına görə, ilk gündə 3 qrupda matçlar keçiriləcək.

A qrupunun sürpriz lideri İslandiya yığması Hollandiya millisini qəbul edəcək. Seçmə mərhələni o qədər də uğurlu keçirməyən “narıncılar”ı evdə yalnız qələbə qane edir. Əks təqdirdə Danni Blindin yetirmələri hətta qrup üçüncülüyünü də təhlükə altına atacaqlar. Latviyanı qəbul edəcək qonşu Türkiyə millisi də nəyin bahasına olursa-olsun 3 xal əldə etməlidi. Autsayder Qazaxıstanı qəbul edəcək Çexiya yığması isə bu gün liderliyə yüksələ bilər.

B qrupunun lideri Uels ən azı ikinci yerə iddia edən Kiprin qonağı olacaq. Qrupun favoritlərindən sayılan Belçikanı da əsas rəqiblərindən olan Bosniya və Herseqovina ilə çətin oyun gözləyir.

H qrupunda yer alan Azərbaycan millisi turun ilk matçında lider Xorvatiyanı qəbul edəcək. Xorvatların əsas rəqibləri olan İtaliya yığması isə Maltanı sınağa çəkəcək. İlk “üçlüy”ə iddia edən Bolqarıstanla Norveçin dueli də maraq doğurur.

Avro-2016

Seçmə mərhələ

3 sentyabr

A qrupu

Çexiya – Qazaxıstan - 2:1

Qollar: Şkoda, 74, 86 - Loqvinenko, 21

Hollandiya – İslandiya - 0:1

Qol: Siqurdsson, 51

Türkiyə - Latviya - 1:1

Qol: Səlçuq İnan, 77 - Sabala, 90+1

B qrupu

Belçika – Bosniya və Herseqovina - 3:1

Qollar: Fellaini, 23, De Bruyne, 44, Hazar, 78 - Dzeko, 15

Kipr – Uels - 0:1

Qol: Beyl, 82

İsrail – Andorra - 4:0

Qollar: Zehavi, 4, Bitton, 22, Hemed, 26, Dabbur, 38

H qrupu

Azərbaycan – Xorvatiya - 0:0

Bolqarıstan – Norveç - 0:1

Qol: Forren, 57

İtaliya – Malta - 1:0

Qol: Pelle, 69

Qeyd: FİFA Xorvatiyanın 1 xalını silib.