Futzal üzrə Avropa çempionatının final mərhələsinin qrup oyunlarından sonra milli komandaların reytinq siyahısı açıqlanıb. Apasport.az saytının məlumatına görə, Azərbaycan yığması siyahıda 12-ci pillədə qərarlaşıb.
Komandamızın hesabında 1401 xal var. Serbiyadakı qitə çempionatında İtaliyaya 0:3 hesabı ilə uduzub, Çexiyanı 6:5 hesabı ilə məğlub edən millimiz ötən ayla müqayisədə hesabına 13 xal əlavə edib.
1/4 finala yüksələn yığmamız dünya reytinqində mövqeyini əldən verib. Belə ki, 13 xal qazanmasına baxmayaraq, yığmamız 1 pillə geriləyib. Ötən ay 11-ci olan komandamızın bu aqibəti yaşamasına səbəb isə Serbiyadı. Balkanlılar 2 pillə irəliləyib, Azərbaycanla Paraqvayı arxada qoyub. Sonuncular Qazaxıstanı da önə buraxıb.
Qeyd edək ki, ümumilikdə 154 komandanın yer aldığı siyahıya İspaniya başçılıq edir – 1923 xal.
Dünyanın ən güclü 15 millisi
1. İspaniya - 1928
2. Braziliya - 1909
3. Rusiya – 1734
4. İtaliya – 1700
5. Argentina – 1624
6. İran - 1609
7. Portuqaliya - 1555
8. Ukrayna – 1508
9. Yaponiya – 1427
10. Kolumbiya – 1424
11. Serbiya - 1415
12. AZƏRBAYCAN – 1401
13. Qazaxıstan – 1366
14. Paraqvay – 1361
15. Sloveniya - 1336