ABŞ-da keçirilən Amerika Kubokuna yekun vurulub. Apasport.az saytının məlumatına görə, finalda Argentina ilə Çili yığmaları üz-üzə gəliblər.
Matçın əsas və əlavə vaxtında qapılara qol vurulmadığından qalib penaltilər seriyasında müəyyənləşib. “Lotereya”da isə çilili futbolçular daha dəqiq olublar. Onlar 4:2 hesabı ilə qələbə qazanıblar. Bununla da Çili millisi ardıcıl 2-ci dəfə finalda rəqibini məğlub edərək, fəxri kürsünün ən yüksək pilləsinə qalxıb.
Argentinanın heyətində Lionel Messi və Lukas Bilya penaltini qola çevirə bilməyiblər.
Amerika Kuboku-2016
Final
Argentina – Çili – 0:0, pen. 2:4
Qırmızı vərəqələr: Markos Roho, 43 – Marselo Dias, 28
Qeyd edək ki, yarışın bürünc mükafatını ABŞ-a qalib gələn Kolumbiya qazanıb.