Avropa çempionatının 1/8 final mərhələsi çərçivəsində İngiltərə ilə qarşılaşan İslandiya millisi sensasiyalı şəkildə 2:1 hesablı qələbə qazanaraq növbəti mərhələyə adlayıb. Apasport.az saytının məlumatına görə, mərhələnin son görüşünün ən yaxşısı da bəlli olub.

UEFA-nın saytı vasitəsilə azarkeşlər arasında keçirdiyi sorğunun nəticəsinə görə, islandların müdafiəçisi Ranyar Siqurdsson ən yaxşı oyunçu hesab olunub.

Matçı əvəz edilmədən keçirən təcrübəli futbolçu 6-cı dəqiqədə bərabərlik qolunu vuraraq, komandasının tarixi uğuruna töhfə verib. Oyun boyu müdafiədə etibarlı oynaması onun mükafatla təltif edilməsinə səbəb olub.