Avropa Liqasının I təsnifat mərhələsinin ilk oyunları çərçivəsində Gürcüstanın “Samtredia” klubunu böyükhesablı (5:1) məğlubiyyətə uğradan “Qəbələ” istirahətə buraxılıb. Apasport.az saytının məlumatına görə, “qırmızı-qaralar”ın baş məşqçisi Roman Qriqorçuk komandanı 2 gün müddətinə məşqlərdən azad edib.
Bu gün və sabah dincələcək “Qəbələ”nin üzvləri iyulun 3-də yenidən bir araya gələcəklər. Heyətdə zədəli futbolçunun olmaması məşqçilər korpusunu sevindirən məqamlardandı.
“Qəbələ”nin Gürcüstana yollanacağı tarix hələ tam dəqiqləşməyib. Bölgə təmsilçisi qonşu ölkəyə iyulun 5-də və ya 6-da səfər edəcək.
Qeyd edək ki, “Qəbələ”nin “Samtredia” ilə cavab qarşılaşması iyulun 7-də Zestafoni şəhərində keçiriləcək.