Rio-2016-da ən çox medal qazanan idmançıların siyahısı açıqlanıb. Apasport.az saytının məlumatına görə, cədvəlin ön pillələrində üzgüçülər qərarlaşıb.

Zirvədə isə amerikalılar yer alıb. Əfsanəvi Maykl Felps kişilərin, Kati Ledeki isə qadınların yarışında 5 medal əldə edib. Onların hər ikisinin qazancı 4 qızıl və 1 gümüşdən ibarətdi.

Macarıstanlı Katinka Hoszu isə 3 qat çempiondu. O, 3 qızıldan başqa, 1 gümüş də əldə edib.

2 qızıl, 1 gümüş və 1 bürünc qazanan amerikalı Medelin Dorado da 4 dəfə fəxri kürsüyə qalxıb.

Eyni sayda uğura malik kanadalı Penni Oleksyak isə 1 qızıl, 1 gümüş və 2 bürüncə sevinib.