Avropa Liqasının qrup mərhələsində 2-ci tura yekun vurulub. Apasport.az saytının məlumatına görə, Əliyar Ağayevin rəhbərlik etdiyi azərbaycanlı hakimlər briqadasının idarə etdiyi “Roma” - “Astra” oyununda meydan sahibləri böyük hesablı qələbə qazanıb - 4:0.

Romalıların heyətində Strutman, Fazio və Salah fərqlənib. Bir qolu isə Fabrisio öz qapısına vurub.

Ağayev oyunda 3 dəfə əlini cibinə atmalı olub. Həmyerlimiz 2 dəfə qonaqların, 1 dəfə isə meydan sahiblərinin futbolçusuna sarı vərəqə göstərib.

FİFA referimiz matçın 30-cu dəqiqəsində meydan sahiblərinin kapitanı Françesko Tottini cəzalandırıb.