Rusiyanın paytaxtı Moskvada Mixael Talın xatirəsinə həsr olunmuş beynəlxalq turnir davam edir. Apasport.az saytının məlumatına görə, Azərbaycan millisinin lideri Şəhriyar Məmmədyarov dördüncü oyununa çıxıb.

Qrosmeysterimiz rusiyalı Yevgeni Tomaşevski ilə üz-üzə gəlib.

Gərgin keçən görüşdə qalib müəyyənləşməyib. Tərəflər 83-cü gedişdə bərabərliyə razılaşaraq xalları yarı bölüblər.

Qeyd edək ki, 4 oyundan sonra aktivində 2 xal olan “Şah” 4-7-ci yerləri bölüşür. Lider isə 3.5 xalla Aniş Qiridir.