Qadın voleybolçular arasında İtaliya A seriyasında növbəti oyunlar keçirilib. Apasport.az saytının məlumatına görə, Azərbaycan millisinin kapitanı Odina Bayramovanın şərəfini qoruduğu “Firenze” “Konegliano”nu qəbul edib.

Qarşılaşma Florensiya təmsilçisi üçün heç də yaxşı başlamayıb. Bayramovanın komandası ilk 2 setdə uduzduqdan sonra status-kvonu bərpa etsə də, tay-brekdə məğlub olub – 2:3 (23:25, 15:25, 25:19, 25:19, 17:19). Buna baxmayaraq, “Firenze” mövsümdə ilk xalı qazanıb.

Millimizin kapitanı bu dəfə də meydanda olub. 4-cü zona oyunçumuz 12 xal toplayıb.

Qeyd edək ki, 12 komanda arasında 9-cu olan “Firenze” III turda “Klub İtaliya”nın qonağı olacaq.