Bu gün UEFA Avropa Liqasında qrup mərhələsinin son oyunları baş tutub. Apasport.az saytının məlumatına görə, təmsilçimiz “Qarabağ” da son turda həlledici matça çıxıb.
Azərbaycan azarkeşləri üçün xüsusi maraq kəsb edən görüş Bakıda baş tutub. Ağdamlılar İtaliyanın “Fiorentina” klubunu qəbul ediblər. Qurban Qurbanovun yetirmələri görüşdən qalib ayrılaraq növbəti mərhələyə yüksəlməyi hədəfləyirdilər.
Matça ağdamlılar fəal başladılar. Bir neçə dəfə italiyalıların qapısına doğru həmlələr olsa da, ilk 15 dəqiqədə real təhlükə yaratmaq mümkün olmadı. Tədricən sürəti və təzyiqi artıran "Qarabağ" 32-ci dəqiqədə Dino Ndlovu ilə qola çox yaxınlaşdı. Cənubi afrikalı hücumçu sürətli hücum zamanı "Fiorentina"nın iki oyunçusunu geridə qoyub zərbə endirsə də, top qapı dirəyindən döndü.
Buna 4 dəqiqə sonra rəqib də topu dirəyə vuraraq cavab verdi. İlk hissə qolsuz başa çatdı.
İkinci hissə isə matçın taleyi baxımından həlledici oldu. 60-cı dəqiqədə Veçino hesabı açdı. 73-cü dəqiqədə Reynaldo hesabı bərabərləşdirsə də, cəmi 3 dəqiqə sonra Kyeza nəticəni təyin etdi - 1:2.
Avropa Liqası
Qrup mərhələsi
VI tur, 8 dekabr
J qrupu
“Qarabağ” – “Fiorentina” (İtaliya) - 1:2
Qollar: Reynaldo, 73 - Veçino, 60, Kyeza, 76
Baş hakim: İvan Bebek
Baş hakimin köməkçiləri: Tomislav Petroviç, Miro Qrqiç
Əlavə köməkçi hakimlər: Ante Vuçemiloviç-Şimunoviç, Qoran Qabrilo
Dördüncü hakim: Qoran Pataki (hamısı Xorvatiya)
Hakim-inspektor: Vasili Melniçuk (Ukrayna)
UEFA nümayəndəsi: Mihael Zoratti (Avstriya)
Bakı. Tofiq Bəhramov adına Respublika stadionu
“Qarabağ”: 13. İbrahim Şehiç, 2. Qara Qarayev, 6. Dino Ndlovu, 10. Muarem Muarem, 14. Rəşad Sadıqov (k), 15. Rahid Əmirquliyev, 18. İlqar Qurbanov, 20. Riçard Almeyda, 25. Ansi Aqolli, 55. Bədavi Hüseynov, 99. Dani Quintana
Ehtiyat oyunçular: 1. Boyan Şaranov, 9. Reynaldo, 11. Mahir Mədətov, 21. Arif Daşdəmirov, 22. Əfran İsmayılov, 32. Elvin Yunuszadə, 91. Coşqun Diniyev
“Fiorentina”: 12. Çiprian Tataruşanu, 2. Qonzalo Rodrigez (k), 5. Milan Badely, 8. Matias Veçino, 10. Frederiko Bernardeşi, 13. Davide Astori, 15. Maksimiliano Oliviera, 19. Sebastian Kristoforo, 25. Frederiko Kyeza, 30. Kuma Babakar, 40. Nenad Tomoviç
Ehtiyat oyunçular: 1. Luka Lezzerini, 6. Karlos Sançez, 7. Mauro Zarate, 9. Nikola Kaliniç, 18. Karlos Salsedo, 20. Borxa Valero, 72. Josip İliçiç
PAOK – “Slovan” - 2:0
Qollar: Rodrigez, 29, Pelkas, 67
Baş hakim: Andre Marriner
Yan xətt hakimləri: Simon Bek, Harri Lennard
Əlavə köməkçi hakimlər: Robert Madli, Kevin Friend
Dördüncü hakim: Edvard Smart (hamısı İngiltərə)
1 |
“Fiorentina” |
6 |
4 |
1 |
1 |
15-6 |
13 |
2 |
PAOK |
6 |
3 |
1 |
2 |
7-6 |
10 |
3 |
“Qarabağ” |
6 |
2 |
1 |
3 |
7-12 |
7 |
4 |
“Slovan” |
4 |
1 |
1 |
4 |
7-12 |
4 |