Azərbaycan millisi başa çatmaqda olan 2016-cı ildə 51 pillə arasında var-gəl edib. Apasport.az saytının məlumatına görə, FİFA reytinqində 2015-ci ili 117-ci kimi başa vuran komandamız Meymun ilinin ilk ayında 116-cı pillədə qərarlaşıb.

Mövqeyi qeyri-sabit olan Robert Prosineçkinin yetirmələri 12 ay ərzində bir neçə dəfə irəliləməyə də, geriləməyə də vaxt tapıb. Komandamız ən pis halda, 138-ci yerədək yuvarlanıb. Bu, iyunda qeydə alınıb.

2016-cı ilin ən yaxşı nəticəsi isə oktyabrda yaşanıb. 4 ayda 50 pilləlik sıçrayış edən yığma həmin vaxt 88-ci yerdə olub.

12 ayın yalnız üçündə “100-lük”də qərarlaşan millimiz 9-cu “onluq”da yer alıb. Digər 9 ayda cədvəlin ikinci yarısında məskunlaşan yığma bunların üçündə 12-ci, altısında 14-cü “onluq”da olub.

Yığmamız 2016-cı ildə FİFA reytinqində