Avropa ölkələrinin milli çempionatlarının ən yaxşı bombardiri üçün təsis edilən “Qızıl buts” mükafatı uğrunda mübarizənin liderləri açıqlanıb. Apasport.az saytının məlumatına görə, cədvələ qabonlu Pyer-Emerik Obameyanq başçılıq edir.
Almaniya Bundesliqasında 16 qol vuran afrikalı hücumçu 32 xalla hamıdan öndədi. “İnter”in qol silahı Mauro İkardi 2-ci, Norveç “Rusenborq”unda parlayan Kristian Qitkyaer 3-cüdü.
Ulduzların eyni göstərici ilə qərarlaşdığı 4-cü yerə 6 şərik var. Lionel Messi, Zlatan İbrahimoviç, Luis Suares, Aleksis Sançes, Dieqo Kosta kimi futbolçularla yanaşı, Andrea Belotti də 2 əmsallıq çempionatda 14 qol vurub. İlk “onluğ”u Edinson Kavani tamamlayır.
Topaz Premyer Liqasının bombardirlər yarışının liderlərlə müqayisəsi isə yersizdi. Çünki çempionatımızda nəinki ayrı-ayrı oyunçular, heç klublar da Avropa bombardirlərinə əlcək atmaq gücündə deyil. Çünki Premyer Liqanın lideri “Qarabağ” 1 əmsala malik yarışda 26 qol vurub. Bu, hətta Kavaninin məhsuldarlığından aşağıdı. Premyer Liqanın ən məhsuldar komandası “Qəbələ” isə 30 qolla 30 xala malikdi.
Qeyd edək ki, Topaz Premyer Liqasında hərəyə 7 qol vuran “Qəbələ”nin futbolçuları Baqali Dabo və Filip Ozobiç çempionatın bombardirləridi.
yer |
Futbolçu (klubu) |
qol |
əmsal |
xal |
1 |
Pyer-Emerik Obameyanq (“Borussiya” D, Almaniya) |
16 |
2 |
32 |
2 |
Mauro İkardi (“İnter”, İtaliya) |
15 |
2 |
30 |
3 |
Kristian Qitkyaer (“Rusenborq”, Norveç) |
19 |
1,5 |
28,5 |
4-9 |
Andrea Belotti (“Torino”, İtaliya) |
14 |
2 |
28 |
|
Luis Suares (“Barselona”, İspaniya) |
14 |
2 |
28 |
|
Lionel Messi (“Barselona”, İtaliya) |
14 |
2 |
28 |
|
Dieqo Kosta (“Çelsi”, İngiltərə) |
14 |
2 |
28 |
|
Zlatan İbrahimoviç (“Mançester Yunayted”, İngiltərə) |
14 |
2 |
28 |
|
Aleksis Sançes (“Arsenal”, İngiltərə) |
14 |
2 |
28 |
10 |
Edinson Kavani (PSJ, Fransa) |
18 |
1,5 |
27 |