Qadın voleybolçular arasında Çempionlar Liqasında növbəti oyunlar keçirilib. Apasport.az saytının məlumatına görə, Bakının “Telekom” klubunun yer aldığı A qrupunda IV tur çərçivəsində İtaliya “Konegliano”su Polşa “Ximik”ini qəbul edib.

Qarşılaşma ev sahibləri üçün uğursuz alınıb. Onlar səfərdə 3:1 hesabı ilə qalib gəlmələrinə baxmayaraq, bu dəfə 2:3 (25:23, 20:25, 20:25, 25:20, 8:15) hesabı ilə məğlub olublar.

Matçın nəticəsi turnir cədvəlində dəyişikliyə səbəb olmasa da, “Telekom”un pley-off şansının üstündən xətt çəkib. Həmçinin “Modena”nın mərhələ adlaması da rəsmiləşib.  

Qeyd edək ki, “Telekom” IV turda “Modena”ya 1:3 hesabı ilə uduzub.