IV İslam Həmrəyliyi Oyunlarında atıcılıq yarışları davam edir. Apasport.az saytının məlumatına görə, təmsilçilərimiz bu gün növbəti qızıl medalı yığmamızın aktivinə yazdırıblar.

Belə ki, qarışıq komanda halında səngər stendində azərbaycanlı snayperlər fəxri kürsünün ən yüksək pilləsinə qalxıblar. Əli Hüseynli və Aydan Camalova rəqiblərindən sərrast atəş açaraq, 43 xalla qızıl medala yiyələniblər.

Bu növdə Türkiyə gümüş, Qətər isə bürünc medal qazanıblar.