“Qarabağ” UEFA Çempionlar Liqasının II təsnifat mərhələsinin cavab matçları çərçivəsində sabah “Samtredia”nın qonağı olacaq. Apasport.az-ın klubun rəsmi saytına istinadən məlumatına görə, Ağdam təmsilçisi bu gün Gürcüstanda son məşqinə çıxacaq.

Belə ki, Bakı vaxtı ilə saat 20:00-da Azərbaycan çempionu qarşılaşmanın keçiriləcəyi Boris Payçadze adına stadionda oyunöncəsi son məşqinə çıxacaq. Məşqin ilk 15 dəqiqəsi mətbuat və azarkeşlər üçün açıq olacaq. Bundan yarım saat əvvəl isə baş məşqçi Qurban Qurbanov mətbuat konfransında jurnalistlərin suallarını cavablandıracaq.

Qeyd edək ki, “Samtredia” – “Qarabağ” matçı sabah Bakı vaxtı ilə saat 21:00-da start götürəcək.