Bosniya və Herseqovinada təşkil olunan UEFA İnkişaf turnirində ikinci tura yekun vurulub. Apasport.az saytının məlumatına görə, 17 yaşadək futbolçulardan ibarət Azərbaycan yığmasının Xorvatiyaya 0:1 hesabı ilə uduzduğu turun digər görüşündə meydan sahibləri və Makedoniya qarşılaşıb.

Balkanlıların duelində qol vurulmayıb – 0:0. Komandalar yarışın əsasnaməsinə görə penaltilər seriyasında qüvvələrini sınayıb. Daha dəqiq olan makedoniyalılar qalib gəlib – 2:1.

Futbolçularımız son matçına aprelin 15-də çıxacaqlar. Həmin gün rəqibimiz hər iki matçı penaltilərlə uduzan ev sahibləri olacaq. Xorvatiya və Makedoniya arasında matçda turnirin qalibi müəyyənləşəcək. Bu komandalar hərəyə 1 dəfə əsas vaxtda, 1 dəfə də penaltilər seriyasında qalib gəlib.