Qadın voleybolçular arasında Türkiyə Sultanlar Liqasında üçüncü yerin sahibi bəlli olub. Apasport.az saytının məlumatına görə, Azərbaycan millisinin hücumçusu Polina Rəhimovanın çıxış etdiyi “Fənərbaxça” “Qalatasaray”la cavab matçında qarşılaşıb.

Görüş təmsilçimizin komandasının 3:0 hesablı qələbəsi ilə yekunlaşıb. Rəhimova qarşılaşmada 18 xal toplayıb.

İlk matçda da 3:1 hesablı qələbə qazanın “sarı bülbüllər” bürünc medallara sahib olub.

Qeyd edək ki, “Fənərbaxça” növbəti mövsümdə CEV Çempionlar Liqasında mübarizə aparacaq.