Topaz Premyer Liqasının XXIV turunun ikinci oyun günü 4 futbolçunun cəzalı duruma düşməsi ilə nəticələnib. Apasport.az saytının məlumatına görə, “Neftçi” daha böyük itki ilə üzləşib.
“Qəbələ” ilə qarşılaşmada ikinci sarı vərəqə üzündən meydandan qovulan Emin Mahmudov və mövsümdə 8-ci xəbərdarlığı alan Kiril Petrov növbəti turu buraxacaq. Onlar “Keşlə” ilə XXV turun aprelin 28-də keçiriləcək matçını buraxacaq.
Çempionatın autsayderləri “Səbail”lə “Kəpəz” arasında qarşılaşma hər iki komandanın itkisi ilə başa çatıb. Paytaxt klubunda Rahil Məmmədov 4-cü, gəncəlilərdə Şəhriyar Əliyev 8-ci sarı vərəqəsini alıb. Sonuncu “Qəbələ” ilə aprelin 28-də səfərdə, Rahil isə ertəsi gün Sumqayıtda eyniadlı komanda ilə matçda oynamayacaq.
Qeyd edək ki, turun ilk günündə “Zirə”nin futbolçusu Milan Duriç 8-ci sarı vərəqəni aldığından cəzalı duruma düşmüşdü.