Bakı. Kənan Həsənov - APA-Sport. Qazaxıstanın qadınlardan ibarət voleybol üzrə milli komandasının Pekin Yay Olimpiya Oyunlarına qatılacaq heyəti açıqlanıb. “APA-Sport” agentliyinin məlumatına görə, yığmanın tərkibində Pekinə “Azərreyl” klubunun sabiq üzvü Kseniya İlyuşenko da yollanacaq. 29 yaşlı voleybolçu 2002/03 mövsümündə komandamıza transfer edilib. Faiq Qarayevin rəhbərliyi altında iki il oynayan K.İlyuşenko hazırda vətənində çıxış edir. 178 sm boya malik voleybolçu oyun qurucusudur.