Bakı. Kənan Həsənov - APA-Sport. Peşəkar boks üzrə dünya çempionu Floyd Meyvezerin evinə basqın olub. “APA-Sport” agentliyinin məlumatına görə, oğrular amerikalı boksçunun malikanəsindən 7 milyon ABŞ dolları dəyərində zinət əşyaları aparıblar. Videokamera oğruların cinayət əməlini çəksə də, onların şəxsiyyətini müəyyənləşdirmək mümkün olmayıb. F. Meyvezer cinayətkarların tapılmasında kömək göstərəcək şəxsə 100 min dollar mükafat vəd edib.