Bakı - APA-Sport. “Fənərbaxça” üzərində qazanılan böyük hesablı qələbə münasibətilə “Kayserispor” futbolçularına pul mükafatı veriləcək. “APA-Sport”un məlumatına görə, bunu komandanın prezidenti Recep Mamur deyib.

Prezident bildirib ki, komandanın hər üzvünə 12 min türk lirəsi (təxminən 8300 manat) mükafat təqdim olunacaq: “Fənərbaxça” pis oynadığı üçün deyil, biz yaxşı təsir bağışladığımızdan rəqib qapısına 4 qol vurduq. Buna görə də hər futbolçumuza 12 min lirə qonorar verəcəyik”.

Qeyd edək ki, “Kayserispor” oktyabrın 5-də İstanbulun “Şükrü Saracoğlu” stadionunda “Fənərbaxça”ya 4:1 hesabı ilə qalib gəlib.