Bakı. Kənan Həsənov - APA-Sport. Gənc qılıncoynadanlar arasında Hollandiyanın Amsterdam şəhərində təşkil olunan Avropa çempionatı başa çatıb. “APA-Sport”un məlumatına görə, yarış Azərbaycan yığmasının üzvləri üçün fiasko ilə nəticələnib.

Belə ki, sablya və şpaqa növlərində çıxış edən 12 təmsilçimizdən heç biri fəxri kürsüyə yüksələ bilməyib. Qılıncoynadanlarımız bu növ üzrə komanda birinciliyində də etimadı doğrultmayıblar. Nəticədə yığmamız 35 ölkə arasında 40 xalla 20-ci yeri tutub.