Rusiya Premyer Liqasında çıxış edən “Ximki”nin digər Moskva ətrafı təmsilçisi “Saturn”a birləşməsi azarkeşlərin narazılığına səbəb olub. Apasport.az saytının məlumatına görə, “Ximki”nin sadiq azarkeşləri klublarını itirməklə barışmaq istəmir. Onlar bu gün Moskvadakı “Futbol Evi”nin qarşısında etiraz aksiyası keçirmək niyyətindədir. Maraqlıdır ki, azarkeşlərin mitinqi binada “MDB və Baltikyanı ölkələrin çempionlarının Birlik kuboku”nun püşkatmasının sonlarına təsadüf edir.

Qeyd edək ki, Azərbaycan milli komandasının sabiq oyunçusu Emin Ağayev də bir vaxtlar “Ximki”də çıxış edib.