Azərbaycan milli komandasının heyətinə daha beş futbolçunun adı daxil edilib. AFFA-nın İnformasiya və İctimaiyyətlə əlaqələr Departamentindən apasport.az saytına verilən məlumata görə, yanvarın 27-dən fevralın 11-dək Birləşmiş Ərəb Əmirliklərinin Dubay şəhərində təlim-məşq toplanışı keçirəcək yığmamızın hazırlıqlarında qapıçı Anar Nəzirov (klubsuz), müdafiəçilər Nodar Məmmədov (MOİK), Novruz Məmmədov (“Muğan”), Usim Nduka (“Olimpik”) və yarımmüdafiəçi Mixail Zaytsev (“Daqdizel”, Rusiya) də iştirak edə bilər. Millinin baş məşqçisi Berti Foqtsun bir neçə gün əvvəl açıqladığı 27 nəfərlik siyahıda yer almayan bu 5 oyunçu ehtiyat futbolçu kimi heyətə salınıb.