Peşəkar boksçu Əli İsmayılov Azərbaycan tarixində ilk dəfə WBO (Ümumdünya Boks Təşkilatı) kəməri uğrunda döyüş keçirəcək. Apasport.az saytının xəbərinə görə, bu barədə lent.az-a İsmayılovun özü məlumat verib. Boksçu bildirib ki, döyüş aprelin 21-də Argentinanın paytaxtı Buenos-Ayresdə təşkil ediləcək. İdmançımızın rəqibi isə kəmərin hazırkı sahibi Viktor Ramires olacaq. Qələbə çalacağı təqdirdə, həmyerlimiz bu nüfuzlu kəmərə sahib çıxacaq.

Qeyd edək ki, Əli İsmayılov hazırda WBO-latino kəmərinin sahibidir.