Daha bir idmançı meydanda dünyasını dəyişib. Apasport.az saytının məlumatına görə, Almaniya və İsveçrənin 21 yaşlılardan ibarət həndbol yığmalarının görüşü faciə ilə nəticələnib. Oyunda bir neçə dəfə fərqlənən və 34-cü dəqiqədə komandasını önə çıxaran qolu vurduqdan sonra Sebastyan Faisst özündən gedib. Xəstəxanaya çatdırılan gənc idmançı bir saat sonra vəfat edib. Şənbə günü 21 yaşı tamam olacaq Sebastyan Almaniyanın ən perspektivli həndbolçularından sayılırdı. Baş verənlərdən sonra oyun dayandırılıb.