Adətən kişilər özlərindən kiçik yaşlı qadınlarla ailə həyatı qururlar. Ancaq kişilərin ömür-gün yoldaşı axtararkən, yaşda böyüklərə müraciət etdiklərinə də rast gəlmək mümkündür. Ona görə də çox az kişilər var ki, onlar xanımlarından yaşda balacadırlar. Bunlardan biri də futbolçu, İsveç yığmasının kapitanı və “Barselona”nın üzvü Zlatan İbrahimoviçdir.

28 yaşlı hücumçu subaylığın daşını 4 il əvvəl atıb. O, özündən 11 yaş böyük Helena Segerlə evlənib. 1970-ci il təvəllüdlü Helena gəncliyində modelliklə məğlub olub. Son vaxtlar isə o, ticarət meneceri işləyir. Artıq bu cütlüyün iki övladı var: 3 yaşlı Maksimilian və 1 yaşlı Vinsent.

Xatırladaq ki, İbrahimoviç milli komandada ilk matçını Azərbaycan yığmasına qarşı keçirib. Dünya çempionatının seçmə qrup mərhələsi çərçivəsində 2001-ci il oktyabrın 7-nə təsadüf edən debüt oyununda hücumçu qələbəyə sevinib. Çünki onun həmyerliləri milli komandamızı 3:0 hesabı ilə üstələyib.