İngiltərə milli komandasının futbolçusu Frenk Lempard üçün yeni il uğurlu olub. Apasport.az saytının məlumatına görə, “Çelsi”nin futbolçusu bir müddətdir küsülü olduğu həyat yoldaşı Elen Rivasla barışıb. Neçə vaxtdır digər gözəlçə Kristin Bleyklinin “tor”unda çapalayan Lempard 7 il birgə olduğu Elenin yanına dönməyə qərar verib.

Futbolçunun qarşısına məşuqəsindən uzaq durmaq şərtini qoyan Rivas onu atasıgilə şam yeməyinə çağırıb. Frenklə barışmaq ərəfəsində isə Elen yeni reklamlara çəkilib. İspaniyalı xanım qadınlar üçün inqilaba çevrilən yeni növ alt paltarlarını reklam edib. Elenin bu geyimi barışıq münasibətilə Lemparda eksklüziv nümayiş etdirdiyi də istisna olunmur.