Qadın voleybolçular arasında Azərbaycan Super Liqasının VI turunun başlama saat dəqiqləşib. Apasport.az saytının məlumatına görə, sabah “Sərhədçi” Olimpiya Mərkəzində keçiriləcək II dövrənin ilk matçı saat 14:00-da start götürəcək. Bu oyunda “Azərreyl” - “Bakı” klubları üz-üzə gələcək. Bu oyundan 2 saat sonra “Rabitə” və “İqtisadçı” voleybolçuları münasibətlərinə aydınlıq gətirəcəklər. Turun son görüşündə isə “Lokomotiv” - “Şirvan” qarşılaşması keçiriləcək.

Xatırladaq ki, V turdan sonra yalnız 1 dəfə məğlubiyyət acısı yaşayan “Rabitə” və “Azərreyl” 9 xalla ilk 2 pillədə qərarlaşıb. 8 xalla 3-cü yerdə gedən “İqtisadçı”nı onlardan 1 xal az toplayan “Lokomotiv” izləyir. Son 2 pillədə yer alan “Bakı” və “Şirvan” isə 6 xala sahibdirlər. Super Liqada pley-off mərhələsinə yüksələcək komandaların adları isə fevralın 16-da bilinəcək.


II dövrə
VI tur

18 yanvar
14:00. “Azərreyl” - “Bakı”
İlk oyun: “Bakı” – “Azərreyl” - 0:3 (19:25, 21:25, 16:25)

16:00. “Rabitə” - “İqtisadçı”
İlk oyun: “İqtisadçı” – “Rabitə” - 0:3 (14:25, 27:29,19:25)

18:00. “Lokomotiv” - “Şirvan”
İlk oyun: “Şirvan” - “Lokomotiv” - 3:2 (18:25; 25:21; 26:28; 26:24; 15:13)

1	Rabitə	5	4	1	14-4	9
2	Azərreyl	5	4	1	13-5	9
3	İqtisadçı	5	3	2	11-8	8
4	Lokomotiv	5	2	3	8-12	7
5	Bakı	5	1	4	5-12	6
6	Şirvan	5	1	4	4-14	6