“Qarabağ” klubunun yarımmüdafiəçisi Leroy Corcun apasport.az saytına müsahibəsi
- Topaz Premyer Liqasının XXX turunda “Rəvan”ı 5:1 hesabı ilə məğlub etməklə, ardıcıl 7-ci qələbənizi qazandınız...
- Böyük hesabla qalib gəlsək də, qarşılaşma bizim üçün çətin keçdi. Fasiləyədək cəmi 1 qol vura bildik və fərqlənmək üçün rəqibin də şansı var idi. Yaxşı müdafiə olunub, hücumlar da qurudular. İkinci hissədə isə üstünlüyü tamamilə ələ keçirdik. Nəticədə rəqibi darmadağın etdik.
- Hesabat turunadək ən yaxın izləyiciniz olan “Neftçi” “İnter”ə uduzdu. Artıq ikinci pillədə yer alan komanda ilə xal fərqiniz 13-dür...
- Başqa komandaların necə oynaması məni maraqlandırmır. Bizim işimiz meydana çıxıb qələbə qazanmaqdı.
- Komandanızın artıq növbəti turda Zaqatalada “Simurq”a qalib gələcəyi təqdirdə çempion olmaq şansı yaranıb. Amma bunun üçün “İnter” və “Neftçi” turu xalsız başa vurmalıdır...
- Qarşıdakı turlarda hansı nəticələrin qeydə alınacağını bilmək olmaz. Bəlkə də növbəti 3 turda çempionluğumuz rəsmiləşmədi. Bizim vəzifəmiz qarşıdakı oyunların hər birini 3 xalla başa vurmaqdı.
- Növbəti 6 turda güclü komandalarla oynayacaqsınız...
- Bizim üçün kiminlə oynamağın fərqi yoxdur. Hər oyuna eyni yanaşırıq. Qarşıda 6 çətin oyun varsa, hamısına eyni cür yanaşacağıq.
- Zaqatala səfəri “Qarabağ” üçün çətin sayılır. Cari mövsüm bu komandanı məğlub edə bilməmisiniz...
- Biz Zaqatalaya da 3 xal üçün yollanacağıq. İnanıram ki, bu dəfə səfərdən qələbə ilə dönəcəyik.
- Mövsüm sona yaxınlaşır və artıq futbolçuların başqa klub keçmək üçün şansları yaranır. Sizə başqa klublardan təkliflər varmı?
- Var, amma mən yalnız “Qarabağ” haqda düşünürəm.