Bu gün AFFA-nın İntizam Komitəsinin iclası keçirilib. Apasport.az saytının məlumatına görə, yığıncaqda Topaz Premyer Liqasının III turunda baş verənlər müzakirə olunub.

“Bakı” – “Qəbələ” matçında meydan sahiblərinin azarkeşləri tərəfindən açılmış pankarta görə klub 5000 manat cərimə olunub.

“Simurq” – “Xəzər Lənkəran” oyununda yaşananlar isə meydan sahiblərinə baha başa gəlib. Meydan sahiblərinin futbolçusu Draqan Çeran 4 oyunluq cəzalandırılıb. 90+2-ci dəqiqədə hakimi təhqir etdiyinə görə birbaşa qırmızı vərəqə alaraq meydandan kənarlaşdırılan legioner klubunu 4000 manat ziyana salıb. Oyunun 90+3-cü dəqiqəsində “Simurq”un azarkeşləri tərəfindən meydançaya kənar əşyalar atıldığı üçün meydan sahibləri daha 2000 manat ödəyəcək.